51

سعودی عرب نےآن لائن عمرہ کی سہولت جاری کردی، پاکستانی حجاج کیلئے خوشخبری

عرب (مانیٹرنگ ڈیسک) سعودی عرب نےآن لائن عمرہ کی سہولت جاری کردی، پاکستانی حجاج کیلئے عظیم خوشخبری،
وزارت حج و عمرہ نے مملکت کے ویژن 2030 کے مطابق بیرون ملک سے آنے والے معتمرین حجاج کو آن لائن عمرہ ویزہ کی سہولت جاری کردی۔ سعودی خبر رساں ایجنسی کے مطابق وزارت حج و عمرہ نے ” مقام“کے عنوان سے ویب سائٹ جاری کردی ہے جس کے تحت وہ ممالک جہاں بیرونی عمرہ ایجنٹ موجود نہیں، کے علاوہ دیگر ممالک سے بھی عمرہ ویزہ اور پیکیج کا حصول آن لائن کیا جاسکے گا۔ اس ضمن میں نائب وزیر حج ڈاکٹر عبدالفتاح بن سلیمان مشاط نے بتایا کہ وزارت نے آن لائن عمرہ پروگرام جاری کیا ہے جس پر لاگ ان کرنے سے عمرہ خدمات آن لائن حاصل کی جاسکتی ہیں۔(وزٹ کرنے کے لئے یہاں کلک کریں) نائب وزیر حج نے مزید کہا کہ ویب سائٹ ”مقام“ کے اجراءسے 157 ممالک میں رہنے والے مسلمانوں کو کافی فائدہ ہوگا جہاں بیرونی عمرہ کمپنیاں موجود نہیں۔ ان ممالک سے آنے والے معتمرین براہ راست ویب سائٹ کے ذریعے عمرہ پیکیج حاصل کرسکتے ہیں۔ ڈاکٹر عبدالفتاح کا مزید کہنا تھا کہ اب تک تجرباتی طور پر ویب سائٹ سے 30 کمپنیاں اور ادارے منسلک کئے گئے ہیں جن کے ذریعے گزشتہ برس 1439 ھ کے دوران آنے والے معتمرین 11لاکھ کے قریب رہی۔ ڈاکٹر مشاط کا مزید کہنا تھا کہ ویب سائٹ کے ذریعے عمرہ ویزوں کا جراءاور حرمین میں ہوٹلوں کی بکنگ کی سہولت فراہم کی جارہی ہے۔ مملکت کے ویژن 2030 کو مدنظر رکھتے ہوئے معتمرین کی تعداد سالانہ 3 کروڑ تک پہنچ جائے گی جس کیلئے وزارت حج و عمرہ جدید ٹیکنالوجی کا استعمال کرتے ہوئے معیاری اور بہترین خدمات معتمرین کو پیش کررہی ہے۔ ہمارا بنیادی ہدف ضیوف الرحمان کو معیاری خدمات کی فراہمی ہے۔ واضح رہے کہ وزارت حج و عمرہ کی جانب سے انٹرنیٹ پر جاری کی گئی ویب سائٹ پر لاگ ان کرنے سے حج پیکیج کا پیج کھلتا ہے جس میں عمرہ کے خواہشمند افراد کیلئے مختلف درجہ بندی مقرر کی گئی ہے۔ ہر معتمر اپنے سہولت اور گنجائش کو مدنظر رکھتے ہوئے پیکیج کا انتخاب کرسکتا ہے۔ ویب سائٹ میں سفر کی تاریخ مقرر کرنے کے بعد مقامی ایجنٹ کے انتخاب کی سہولت بھی فراہم کی گئی ہے جبکہ مکہ مکرمہ اور مدینہ منورہ میں موجود ہوٹلوں کی فہرست اور نرخ بھی ویب سائٹ میں تفصیل سے موجود ہیں۔

Facebook Comments

اس خبر پر اپنی رائے کا اظہار کریں

اپنا تبصرہ بھیجیں