23

اللہ کا لاکھ لاکھ شکر ہے پاکستان بڑی تباہی سے بچ گیا،آئی ایس پی آر نے تفصیلات جاری کردیں

لورا لائی/کوئٹہ (ویب ڈیسک ) لورالائی میں سیکیورٹی فورسز کے آپریشن کے دوران مکان میں موجودخاتون سمیت چار دہشتگردوں نے خود کو دھماکے سے اڑا لیا جب کہ فائرنگ کے تبادلے میں چار سیکیورٹی اہلکار زخمی ہوگئے۔سیکریٹری داخلہ بلوچستان کے مطابق سیکیورٹی فورسز نے لورالائی کے علاقے ناصر آباد میں ایک مکان میں دہشتگردوں کی موجودگی کی اطلاع پر سرچ آپریشن کیا ۔جہاں ایک کمپاؤنڈ پر چھاپے کے دوران فورسز اور دہشت گردوں کے درمیان فائرنگ کا تبادلہ ہوا۔سیکریٹری داخلہ نے بتایا کہ فائرنگ کے تبادلے کے بعد مکان میں موجود چاروں دہشت گردوں نے گرفتاری سے بچنے کیلئے خود کو دھماکا خیز مواد سے اڑا لیا۔اے ایس پی لورالائی عطا الرحمان کے مطابق خود کو دھماکے سے اڑانے والوں میں خاتون بھی شامل ہے، دھماکے سے ساتھ واقع گھر کی دیوار گرگئی جس سے ملبے تلے دب کر 4 افراد زخمی ہوگئے۔اے ایس پی نے بتایا کہ اس کارروائی کے دوران فرنٹیئر کور کا ایک اہلکار فائرنگ کے تبادلے میں زخمی بھی ہوا ہے جسے فوری طور پر قریبی ہسپتال پہنچایا گیا۔اے ایس پی نے بتایا کہ خفیہ اطلاعات پر محکمہ انسدادِ دہشت گردی کے اہلکار، فرنٹیئر کور اور پولیس اہلکاروں نے حصہ لیا ۔ایک سیکیورٹی افسر نے اپنا نام نہ ظاہر کرنے کی شرط پر بتایا کہ سنجاوی میں لیویز اہلکاروں پر حملے کا ماسٹرمائنڈ بھی اپنے آپ کو دھماکا خیز مواد سے اڑانے والوں میں شامل ہے۔خیال رہے کہ بلوچستان کے علاقہ لورالائی میں دہشت گردوں کی جانب سے مذموم کارروائیاں کی جاتی رہی ہیں۔حال ہی میں بلوچستان کے علاقے سنجاوی میں دہشتگردوں کے حملے میں لیویز کے 6 اہلکار جاں بحق ہوگئے تھے۔بعد میں پاک فوج کے شعبہ تعلقات عامہ کی طرف سے بھی واقعہ کی تصدیق کی گئی۔آئی ایس پی آر کی طرف سے جاری بیان میں کہا گیا ہے کہ آپریشن رد الفساد کے تحت لورالائی میں سیکیورٹی فورسز نے خفیہ معلومات پر کامیاب آپریشن کیا جس کے نتیجے میں 2 خودکش حملہ آوروں سمیت 4 دہشتگرد ہلاک ہوگئے۔ سیکیورٹی فورسز کے محاصرہ کرتے ہی دہشتگردوں نے فائرنگ کردی اور دستی بم پھینک کر فرار ہونے کی کوشش کی، شدید فائرنگ کے تبادلے کے بعد 2 خود کش حملہ آوروں سمیت چاروں دہشتگرد مارے گئے۔آئی ایس پی آر نے بتایا کہ ہلاک دہشتگرد بلوچستان میں حالیہ دہشتگردی میں ملوث تھے، دہشتگردوں نے سنجاوی میں 6 لیویز اہلکاروں کو شہید کیا تھا جب کہ دہشتگردوں کا تعلق کالعدم تحریک طالبان پاکستان سے تھا۔آئی ایس پی آر کے ماطبق کارروائی میں اسلحہ، خودکش جیکٹس اور بارودی مواد بھی برآمد ہوا جب کہ آپریشن کے دوران سنجاوی میں شہید لیویز اہلکاروں کے شناختی کارڈ بھی ملے، آپریشن کے دوران چار سیکیورٹی اہلکار معمولی زخمی ہوئے۔

اس خبر پر اپنی رائے کا اظہار کریں

اپنا تبصرہ بھیجیں