192

انڈیا نے میری ماں  اور بیوی کیساتھ اچھا نہیں کیا،میں ہندستانی فوج کا ابھی بھی حاضر سروس آفسرہوں، بھارتی جاسوس مودی سرکار پر برس پڑا پاکستان کی قید میں موجود کلبھوشن یادیو کی نئی ویڈیوجاری

اسلام آباد(مانیٹرنگ ڈیسک) انڈین جاسوس کلبھوشن یادیو نے اپنی ماں اور بیوی کے ساتھ پیش آنے والے ناروا رویے پر ہندوستانی حکومت کو آڑے ہاتھوں لے لیا۔ تفصیلات کے مطابق ہندوستانی جاسوس کلبھوشن یادیو کی ایک نئی ویڈیو جاری کی گئی ہےجسمیں ہندوستانی جاسوس کلبھوشن یادیو کا کہنا تھا کہ میری ماں جب پاکستان مجھ سے ملاقات کرنے آئی تھیں۔ میں اس ملاقات کی اجازت دینے کے بہترین اقدام پر پاکستانی حکام کا بے حد شکرگزار ہوں اور ہمیشہ مشکور رہوں گا۔ میری ملاقات اپنی والدہ سے خوشگوار ماحول میں ہوئی اور میری والدہ میری جسمانی صحت اور اچھی حالت دیکھ کر بے حد خوش ہوئیں تھیں۔ انہوں نے مجھے کہا کہ

میں تمہیں دیکھ کر اطمینان محسوس کر رہی ہوں اور مجھے دلی سکون ملا ہے۔ انہوں نے اپنی قومی زبان ہندی میں ایک دعا بھی بولی جو ہندو مذہب میں بہت عام ہے جس پر میں نے ان سے کہا کہ آپ کو گھبرانے کی ضرورت نہیں سب صبر سے کام لیں۔آپ خوش ہیں۔ میرے پاس آپ کو بتانے کے لیے بہت سی چیزیں ہیں۔میری خوراک اچھی ہے اور یہاں میرا بہت اچھا خیال رکھا جاتا ہے۔ یہاں مجھے کوئی نقصان نہیں پہنچاتے ، یہاں تک کہ ہاتھ بھی نہیں لگاتے۔ مجھے دیکھ کر میری والدہ نے ان سب باتوں کا یقین کر لیا۔انہوں نے اپنے ویڈیو بیان میں بھارت کو مخاطب کرتے ہوئے کہا کہ میں بھارتی حکومت ، بھارتی عوام اور بھارتی نیوی سے ایک بات کہنا چاہتا ہوں کہ میرا کمیشن ابھی ختم نہیں ہوا۔ میں بھارتی نیوی کا کمیشنڈ آفیسر ہوں۔کلبھوشن نے کہاکہ میری والدہ اور میری اہلیہ کو سختی سے ہدایات دی گئیں ہیں، میں نے ان کی آنکھوں میں خوف دیکھا ہے۔ جو مرضی ہو جائے لیکن میری والدہ اور میری بیوی کی آنکھوں میں خوف نہیں ہونا چاہئے۔ انہیں دھمکایا جا رہا ہے، وہ بھارتی سفارتکار جو میری والدہ کے ساتھ آیا تھا ، جیسے ہی وہ مجھ سے ملاقات کر کے باہر نکلیں وہ سفارتکار ان پر چیخ رہا تھا۔کیا ان کو ڈرا دھمکا کر یہاں لایا گیا؟ ملاقات کروانا پاکستان کا ایک مثبت اقدام تھا۔ میں بے حد خوش تھا ، انہیں بھی خوش ہونا چاہئے تھا۔ لیکن باہر کھڑا بھارتی سفارتکار ان پر چیخ رہا تھا۔ کلبھوشن نے اپنی ویڈیو میں کہا کہ ہندوستان اور پاکستان کو سب کچھ بھلاکر نئے سرے سے ایک مثبت سمت کی جانب بڑھنا چاہئے۔ یا پھر ایک دوسرے کے خلاف ایسے ہی چلتے رہنا ہے؟کیوں کہا جاتا رہا کہ میں کمیشن افسر نہیں، یا میں بھارتی خفیہ ایجنسی کے لیے کام نہیں کر رہا تھا۔آخر معاملہ کیا ہے؟ یہ بات ٹھیک ہے کہ میں اپنی شناخت خفیہ رکھ کر کاروبار کر رہا تھا۔ میں یہاں کھڑا صاف اور واضح طور پر کہہ رہا ہوں کہ ہاں میں بھارتی خفیہ ایجنسی را کے لیے کام کر رہا تھا۔ میں ایک فوجی ہوں اور میں یہ سب اپنے ملک کے لیے کر رہا تھا۔ لیکن میری والدہ اور میری اہلیہ کو خوف کی حالت میں یہاں لایا گیا ، انہیں تکلیف دی گئی۔ ایسا لگ رہا تھا کہ جیسے ان کو جہاز میں مار پیٹ کر لایا گیا ہے اور یہی سب میں دیکھ بھی رہا تھا۔یہ سب ایسے نہیں ہونا چاہئے۔ میرے اہل خانہ کو بہت خوش ہونا چاہئے تھا لیکن میری والدہ شاک کی حالت میں تھیں۔ وہ کہہ رہی تھیں کہ نہیں ایسے نہیں کہا جا سکتا ، یہ نہیں ہو سکتا ۔ اس سارے عمل کے لیے میں دونوں پاکستانی اور بھارتی حکومتوں کا مشکور ہوں۔ لیکن مجھے بے حد افسوس ہوا کہ میری والدہ کو دھمکایا گیا اور ڈرایا گیا تھا۔واضح رہے کہ کلبھوشن یادیو کی یہ ویڈیو پاکستانی دفتر خارجہ کی جانب سے جاری کی گئی ہے۔

اس خبر پر اپنی رائے کا اظہار کریں

اپنا تبصرہ بھیجیں